ກອງທັບເຮືອ ສະຫະລັດ ຮ່ວມມືກັບ ບໍລິສັດ ລັອກຮິດມາຕິນທົດລອງ
ລະບົບລູກສອນໄຟໃສ່ເຮືອບໍ່ມີຄົນຂັບ Saildrone
ກອງທັບເຮືອສະຫະລັດ ຮ່ວມມືກັບ ບໍລິສັດ ລັອກຮິດມາຕິນ ໄດ້ທົດລອງລູກສອນໄຟໃສ່ເຮືອບໍ່ມີຄົນຂັບ Saildrone, ນີ້ແມ່ນ
ສັນຍານທີ່ສຳຄັນວ່າເຮືອບໍ່ມີຄົນຂັບສາມາດປັບຕົວໄດ້ຢ່າງມີປະສິດທິພາບສຳລັບພາລະກິດທາງທະຫານ.
Saildrone ທີ່ບໍ່ມີຄົນຂັບຢູ່ເທິງເຮືອມີລະບົບຍິງລູກສອນໄຟອາກາດສູ່ພື້ນດິນຮ່ວມ (JAGM) ຄູ່ໜຶ່ງ ແລະ ລະບົບເຊື່ອມຕໍ່ໄລ
ຍະໄກ (ARES) ຈາກ Lockheed Martin. ໃນລະຫວ່າງການສາທິດ, ເຮືອສາມາດຕອບສະໜອງຕໍ່ຂໍ້ມູນເປົ້າໝາຍ ແລະ ໂຈມຕີ
ເຮືອໜ້ານ້ຳທີ່ມີຄວາມໄວສູງແບບຈຳລອງໄດ້ຢ່າງຖືກ ຕ້ອງ, ໃນຂະນະທີ່ປະຕິບັດງານຮ່ວມກັບກຸ່ມເຮືອບັນທຸກຍົນ USS Theodore
Roosevelt. ທັງສອງບໍລິສັດໄດ້ເປີດເຜີຍວ່າ ໂຄງການນີ້ໃຊ້ເວລາພຽງ 6 ເດືອນນັບແຕ່ການອອກແບບຈົນເຖິງການສາທິດການຍິງຕົວ
ຈິງ, ເຊິ່ງສະແດງໃຫ້ເຫັນເຖິງຄວາມພະຍາຍາມຢ່າງຮີບດ່ວນໃນການລວມເອົາເຕັກໂນໂລຊີປ້ອງກັນປະເທດທີ່ມີຢູ່ແລ້ວເຂົ້າໃນຍານພາຫະ
ນະທາງອາກາດທີ່ບໍ່ມີຄົນຂັບ ທາງການຄ້າ. ຍັງລວມມີພາລະກິດສົງຄາມເອເລັກໂຕຣນິກ. ເຮືອລຳນີ້ໄດ້ໃຊ້ເຕັກໂນໂລຊີການກວດຈັບສັນ
ຍານເອເລັກໂຕຣນິກແບບ passive ເພື່ອຊອກຫາ, ລະບຸ ແລະ ຊີ້ບອກສັນຍານ radar ຂອງສັດຕູ, ເຮັດວຽກຮ່ວມກັບ ຍົນເຮລີກົບ
ແຕ MH-60S.
ສິ່ງນີ້ພິສູດໃຫ້ເຫັນວ່າ UAV ທາງການຄ້າສາມາດເຮັດວຽກຮ່ວມກັບອຸປະກອນອື່ນໆໄດ້ຢ່າງບໍ່ມີຂໍ້ບົກຜ່ອງ, ຫຼຸດຜ່ອນຄວາມສ່ຽງດ້ານ
ເຕັກນິກທີ່ກ່ຽວຂ້ອງກັບການຕິດຕັ້ງອາວຸດທີ່ທັນສະໄໝໃສ່ UAV ຂະໜາດໃຫຍ່. ໃນອະນາຄົດຈະສຸມໃສ່ການຂະຫຍາຍຄວາມສາມາດ
ທີ່ໃຊ້ໄດ້ກັບ UAV ແລະ ເລັ່ງການນຳໃຊ້ໃນກອງທັບເຮືອ.
ແຫຼ່ງທີ່ມາ: ຂກທ
ວັນທີ 08/09/2026