ລູກສອນໄຟນຳທາງໄລຍະກາງ ລຸ້ນ R-77 ( RW-AE )
ລູກສອນໄຟນຳວິທີໄລຍະກາງລຸ້ນ R-77 ຫຼື RVV-AE
ຕາມຂ່າວສານ ອຸດສາຫະກຳການທະຫານ ກ່າວວ່າ: ລູກສອນໄຟນຳວິທີໄລຍະກາງລຸ້ນ R-77 ຫຼື RVV-AE ໄດ້
ຮັບການອອກແບບມາເພື່ອຕໍ່ສູ້ກັບຍົນສູ້ຮົບໂຈມຕີ, ຍົນຖິ້ມລະເບີດ ແລະ ຍົນເຮລີກົບແຕ ຂົນສົ່ງທາງທະຫານຂອງສັດຕູ
ໃນການຕໍ່ສູ້ທາງອາກາດໃນໄລຍະກາງ, ທັງກາງເວັນ ແລະ ກາງຄືນໃນສະພາບອາກາດທີ່ປອດໂປ່ງ, ມີເມກໜາ ແລະ ມີ
ຝົນຕົກ.
ຈາກທຸກທິດທາງ ທັງພື້ນດິນ ແລະ ທັງທະເລ, ລູກສອນໄຟນຳທາງ ໄລຍະກາງລຸ້ນ R-77 ຫຼື RVV-AE ສາມາດ
ຕິດຕັ້ງໃສ່ກັບ ຍົນສູ້ຮົບ Mig-29SD ( SE, SM, M ). Su-35, Su- 37, Mig- 31M. ລູກສອນໄຟນຳທາງໄລຍະ
ກາງແມ່ນຜະລິດຕະພັນຂອງບໍລິສັດ Vympel NPO ແມ່ນໄດ້ຍົກລະດັບລູກສອນໄຟລຸ້ນ R-77 ເພື່ອເພີ່ມສະມັດຕະ
ພາບ ແລະ ມີແຜນການຈະຕິດຕັ້ງນຳໃຊ້ລະບົບເຕັກໂນໂລຊີນຳທິດດ້ວຍ (GSN) ແສງອິນຟຼາເຮດ. ລູກສອນໄຟນຳທາງ
ໄລຍະກາງລຸ້ນ R-77 ຫຼື (RVV-AE) ລູກສອນໄຟລຸ້ນນີ້ແມ່ນໄດ້ຕິດຕັ້ງຣາດາທີ່ໃຊ້ຈັບສັນຍານເປົ້າໝາຍຂອງ SN ປະ
ເພດ 9B-1348E ສາມາດລັອກເປົ້າໝາຍຢູ່ໃນໄລຍະ 20 ກິໂລແມັດ.
ລູກສອນໄຟມີຄວາມຍາວ 3,6 ແມັດ, ເສັ້ນຜ່າສູນກາງ 200 ມມ, ນ້ຳໜັກ 175 ກິໂລກຣາມ, ຄວາມໄວແມ່ນ
3.600 ກິໂລແມັດຕໍ່ຊົ່ວໂມງ ຫຼື ເທົ່າກັບຄວາມໄວຂອງສຽງ 4 ມັກ. ໄລຍະການຍິງສຳລັບເປົ້າໝາຍທີ່ 80 ກິໂລແມັດ,
ຍິງຈາກລະດັບສູງ 20 ແມັດ-25 ກິໂລແມັດ. ຖ້າຫາກລູກສອນໄຟນຳທາງໄລຍະກາງໂຈມຕີເປົ້າໝາຍຢູ່ໃນໄລຍະໃກ້
ແມ່ນລູກສອນໄຟຈະລັອກເປົ້າໝາຍຕາມຫຼັກການ. ນອກນັ້ນ, ລູກສອນໄຟຍັງຕິດຕັ້ງລະບົບນຳແສງ, ນຳທາງເພື່ອເຮັດ
ໃຫ້ການກວດຈັບເປົ້າໝາຍມີຄວາມຊັດເຈນຂື້ນ.
ແຫຼ່ງທີ່ມາ: ຂກທ
ວັນທີ 03/09/2026